Медициналық сақтандыру қорының Алматы филиалының мәліметінше, “Аңсаған сәби” бағдарламасы бойынша МӘМС есебінен 2021-2022 жылдардың қорытындысы бойынша ЭКҰ арқасында 4080 бала дүниеге келді.
Экстракорпоралды ұрықтандыру әдісі бедеулікпен күресуде ең тиімді әдістердің бірі болып табылады. Қазіргі репродуктивті технологиялар ұрпақты болу мүмкін емес болып көрінетін жағдайларда да емдеу курсын ұсына алады, дейді репродуктологтар.
Қазақстанда ЭКҰ бағдарламасы міндетті әлеуметтік медициналық сақтандыру пакетінде жүзеге асырылады, 2023 жылы бағдарламаға 7000 квота бөлінді. ЭКҰ бойынша қызмет көрсететін Қазақстан бойынша клиникалардың толық тізбесімен fms.kz. сайтынан танысуға болады.
ЭКҰ-ға жолдама алу үшін тіркелген жері бойынша емханаға жүгіну қажет.