Қазан айы құбылмалы болып, өтті. Кезек қарашада.
Күздің үшінші айы қандай болады? Қар қанша жауып, қашан бекиді деген сұрақ туындауы мүмкін. Синоптиктердің сөзінше қараша бірқалыпты өтеді. Орташа темпетурасы -6,-8 градус шамасында болады.
ГҮЛЗАТ ҒАЗИЗОВА, «Қазгидромет» АҚ СҚОФ бөлім жетекшісі:
– Бірінші онкүндікте ауа температурасы түнде 0-5 градус аяз, облыстың шығысында 3 градус жылыдан 5-10 градус аязға дейін, күндіз 2 градус аяз, -3 градустан 0-5 градус аязға дейін біртіндеп төмендеу күтіледі.
Айдың ортасында ауа температурасы күндіз +5 градустан -7,-12-ге төмендеуі мүмкін. Кейін сәл жылынуы тиіс.
ГҮЛЗАТ ҒАЗИЗОВА, «Қазгидромет» АҚ СҚОФ бөлім жетекшісі:
– Үшінші онкүндіктің басында ауа температурасы түнде 12-17 градус аязға, облыстың солтүстігінде 20 градус аязға дейін, күндіз 7-12 градус аязға дейін төмендеуі болжанады. Содан кейін ауа температурасы түнде 7-12 градус аязға дейін, күндіз 2-7 градус аязға дейін жоғарылауы күтілуде.
САМАЛ ЖҮНІСОВА, тілші:
– Айдың соңында облыстың солтүстігінде түнде -20, күндіз -15 градус аяз болады деп күтілуде. Синоптиктер бұл уақытта қар жауады деп болжайды. Ал жауын-шашын нормаға сай болмақ.
Самал Жунусова