Шетелдік жұмыс күшін заңсыз пайдаланған. Өңірде серіктестіктердің бірі өзбекстандықтарды құрылыс жұмыстарына заңсыз қабылдаған. Кәсіпорын өкілдеріне қатысты ҚР Әкімшілік құқықбұзушылық туралы кодексінің 517-ші бабы бойынша материал жиналды. Облыста “Мигрант” деген атаумен жедел-алдын алу шарасы өтіп жатыр. Тәртіп сақшылары көші-қон заңының талаптарының сақталуын тексеру мақсатында жалдамалы пәтер, базар аумақтарын, шаруа қожалықтары мен құрылыс орындарын тексеріп жүр. Екі күннің ішінде шетелдіктерді жұмысқа заңсыз тартудың 12 фактісі анықталды. 2 жұмысберуші жауапкершілікке тартылды. Сондай-ақ, 70-тен астам шетелдіктің Қазақстан аумағында болу тәртібін бұзғандығы анықталды. Алтауы ел аумағынан шығарылды.
Гульден Симбаева