Петропавлда 34 жастағы келіншек рецептпен ғана берілетін “Трамадол” дәрілік препаратын сатып келген. Әйелдің өзі есірткіге тәуелді, бұрын істі болған. Оның тұрғылықты жерінен 160 дәрі мен 60-қа жуық капсула тәркіленді. Әйел бұл препаратты медициналық мекемелердің бірінде жұмыс істейтін дәрігерден алған. Оның өзі “Трамадол”-ды емделуші адамның рецебімен қолға түсірген. Аталған факті “Дәрмек” жедел-профилактикалық іс-шарасы барысында анықталды. Бұл іс бойынша материал жинақталып, ҚР Әкімшілік құқық бұзушылық туралы кодексінің 424-бабы “Заңсыз медициналық және фармацевтикалық қызмет” бойынша әкімшілік сотқа жолданды.
Самал Жунусова