Облысымызда «қос азаматтығы бар» тұлғалардың қарасы көбеюде. Өткен жылы екі елдің куәлігімен жүрген 85 адам анықталған. Ал ағымдағы жылы осындай 94 азамат белгілі болды. Яғни, бұл көрсеткіш 11 % өскен. Олардың екеуі ел аумағынан шығарылса, 92 адам әкімшілік жауапкершілікке тартылды. Көші-қон қызметі басқармасы мамандарының айтуынша қос азаматтық пен жүргендерге әкімшілік жауапкешілік қарастырылады. Қазақстан құжаттарын заңсыз қолданғандар ел аумағынан шығарылады немесе үлкен мөлшерде айыппұл төлеуі мүмкін.
Гульден Симбаева