Елімізде моно және шағын қалалардың инфрақұрылымын дамытуға қарқын қосылды. 2022 жылы республика аумағындағы 28 елді мекенде 57 жобаны іске асыру көзделген. Ол үшін 25,8 млрд теңге бөлініпті. 1 тамыздағы жағдай бойынша әкімдіктер 9,2 млрд теңгені немесе жылдық жоспардың 35,8% игерген. Қаражаттың ең аз игерілуі Павлодар және Алматы облыстарында байқалады. Бұл жайлы Үкімет отырысында ұлттық экономика министрі Әлібек Қуантыров мәлімдеді. Айта кету қажет, ауқымды шаруа “Қуатты өңірлер – ел дамуының драйвері” ұлттық жобасы аясында атқарылып жатыр. Тың бастаманы іске асыруға 1,8 трлн теңге қарастырылған. Оның 709 млрд теңгесі – бюджеттен тыс қаражат.
Байболат Култанов