Жақында сенсация жасап, айды аспаннан бірақ шығарған жігіттер кеше көңілге селкеу түсірді! Жергілікті «Qyzyljar» футбол клубы Қазақстан кубогы аясында оралдық «Akzhaik»-тан ұтылды. Осылайша, жарыстан шығып қалды. Елордадағы матчқа тоқтала кетейік. “Астана Арена” стадионында өткен кездесу 0 де 2 есебімен аяқталды. Батыстық аяқдоп шеберлері әр таймда 1 голдан соқты. Есесіне бүгін солтүстікқазақстандықтар Кипрге ұшады. Мұнда алдағы бейсенбі күні Конференция лигасы аясында «АПОЭЛ»-мен күш сынасады. Ал қос ұжым арасындағы қарымта ойын тамыздың 11-іне белгіленген.
Байболат Култанов