Мамлют ауданының полицейлер жергілікті қоғамдық кеңес өкілдерімен және еріктілермен бірлесе еңбек етіп жатыр. Тараптар жақында бас қосты. Форумда балалар мен жасөспірімдердің қауіпсіздігін қамтамасыз ету, зорлық-зомбылықты болдырмау, интернет-алаяқтықтың алдын алу сынды мәселелер талқыланды.
Бүгінде Мамлют ауданында 12 ауылдық округ болса, 2017 жылдан бері соның әрқайсысында қоғамдық кеңес жұмыс істейді.
Қадырбек Исин, Мамлют ауданы ПБ учаскелік полиция инспекторы:
– Мамлютка қаласында еріктілер мен қоғам бірлестіктерінің бастықтарымен жиналыс өтті. Ең алғашқы мақсат – қылмыстың және алаяқтықтың алдын алу. Бізде қазіргі таңда әрбір аумақта 5 еріктіден бар. Олар қылмысты болдырмау мақсатыңда күнде жұмыс істейді, учаскелік инспекторларға көмек береді.
Байболат Култанов