Қазақстандық мерекелер қатары толыға түседі. Ұлттық экономика министрлігі “Қазақстандағы мерекелік күндердің тізбесін бекіту туралы” үкімет қаулысына өзгерістер әзірледі.
Қос мерекенің біреуі кәсіпкерлердікі. Іскер жандар алдағы қыркүйектің 9-ында өздерінің төл мейрамдарын тойлап қалуы мүмкін. Ал желтоқсанның 19-ы жарнама саласы мамандарының күні болып белгіленбек. Жаңа кәсіби мерекені «Жарнама туралы» заңының қабылданған күніне келтіру ұсынылып отыр. Бүгінде елде шамамен 2 мыңға жуық жарнама ұйымы бар екен. Онда 100 мыңнан астам маман еңбек етеді. Министрлік ұсынған жоба тамыздың 8-іне дейін қоғамдық талқылауда болады.
Дана Ешкенова