Биыл еліміздің ауыл шаруашылығы саласындағы еңбек өнімділігін арттыруға 173 млрд теңгеден астам инвестиция құйылмақ. Қомақты қаржыға бірінші кезекте тегеурінді техника сатып алу жоспарлануда. Нәтижесінде машина-техника паркі 15 пайызға жаңарады.
Бейінді министрліктің ақпараты бойынша елде осы бағытта оң динамика байқалады. Мәселен, тиісті техника қоры 2017 жылы 2,7%-ға өзгерсе, өткен жылы 4,3%-ға жаңарған. Биылдың өзінде ел аграрилері 147 мың трактор, 38 мың комбайн, 4,7 мың егіс кешені және 77 мың тұқым сепкіш сатып алған. Сондай-ақ, тамшылатып және жаңбырлатып суаруды қолдана отырып жер көлемін 265 мың гектарға дейін ұлғайту жоспарлануда. Оған қоса биыл сапасы жоғары тұқым көлемі 18%-ға артады. Қомақты қаржы мал шаруашылығын субсидиялауға да бағытталады.
Дана Ешкенова