Кеше “Тур де Франс” көпкүндік велобәйгесінің соңғы кезеңі өтті. Ақтық сында жеңіс тұғырына Бельгия, Голландия мен Норвегия елдерінің мықтылары көтерілді. Ал қазақстандық Алексей Луценко болса бұл жарыста 17-ші болып мәре сызығын кесті. Нәтижесінде солтүстікқазақстандық жарыстың жалпы қорытындысы бойынша үздік ондыққа ілікті.
АЛЕКСЕЙ ЛУЦЕНКО, велошабандоз
– Жарысқа деген дайындық мінсіз болды деп айта алмаймын. Сәтсіздіктер орын алып жатты. Бірақ, соған қарамастан біз командамызбен жоғары деңгейде өнер көрсеттік. Сайыстың 3-ші аптасында 9-шы орынға іліктік. Әрине, бұл додада бұдан да жақсы нәтиже көрсеткім келген. Бірақ, бәрі мен ойлағандай болмады. Маусым жалғасуда. Енді алға қарай ұмтылып, жаңа белестерді бағындыруға бар күшімді саламын.
Алдияр Айтпаев