Елордаға Қызылжардың 500-ге жуық жанкүйерін апару жоспарланып отыр

Спорт

18:13 15 Шілде 2022

Петропавлдық “Qyzyljar” футбол клубы өз тарихындағы ең айтулы матчқа дайындалып жатыр. Шілденің 21-і күні жергілікті ұжым Конференция лигасы аясында Хорватияның азулы “Osijek” командасымен күш сынасады. Алғашқы кездесу елордада өтеді. Кешкі 18:00-де бастау алатын ойынға солтүстікқазақстандық жанкүйерлер арнайы бөлінген автобуспен тегін бара алады. Әзірге, 70 адам жазылыпты. Арасында аудан азаматтары да бар. Жалпы, клуб басшылығы бас қалаға 500-ге жуық жанкүйер барады деп жоспарлап отыр. Жақында құрама сапынан бірнеше аяқдоп шебері кетті. Дегенмен, қатарға жаңадан жігіттер қосылды. Ұжым тағы да толығады. Бірақ, кімнің келетінін “Qyzyljar”-дың президенті Григорий Лория айтпады. Есесіне, “Қарасай” стадионын жөндеу бойынша аз-кем ақпаратпен бөлісті.

Григорий Лория, “Qyzyljar” ФК президенті
– Стадионды жөндеу бойынша кеше жиын өткіздік. Кездесуге жобалаушы мамандар арнайы келіп қатысты. Өздеріңізге жақсы мәлім, қазір шаһардағы “Жастар” стадионы қалыпқа келтіріліп жатыр. Ондағы іс аяқталғасын біз сол жаққа ауысамыз. Яғни, “үйдегі” ойындарымызды “Жастарда” өткіземіз. Ал құрылыс саласының өкілдері “Қарасайға” келіп, көптен күткен жөндеуді бастайды. Мұнда ауқымды өзгеріс болады. Барлығын талапқа сай етеміз.


Байболат Култанов

Бұдан әрі оқыңыз

Ұлытаулық жиһангер Петропавлға таяп қалды
Петропавлда муайтайдан ел біріншілігі өтіп жатыр
“Qyzyljar” ФК тағы да жеңілді
Жаһандық жарыста топ жарған ағайындылар
Солтүстікқазақстандық палуандар Ислам ынтымақтастық ойындарына аттанды
Құқық қорғау қызметкерлерінің арасында сайыс өтті
Мемлекеттік қызметшілер арасындағы спартакиада
Петропавлдық “Qyzyljar” хорватиялық “Осиек” клубына есе жіберді
“Qyzyljar” ФК кипрлік “АПОЭЛ”-ға есе жіберді
Алексей Луценко “Тур де Франс” көпкүндігінің үздік ондығында
“Ақбидай-2022” спорттық ойындары мәресіне жетті.
Ақбидай-2022