“БЖК-2025”: Ғ.Мүсірепов ауданының тұрғыны тігін цехін ашты

МТРА жаңалықтары

19:39 11 Шілде 2022

 

Киімнің түр-түрі, төсек-жабдық. Он саусағынан бал тамған Жанар Мұстафина бір дүниені 2 сағаттың ішінде тігіп шығады. Ары қарай санай беріңіз.
Бала кезінде анасы үйреткен іс қазір негізгі табысты жұмысына айналып отыр. Бұл – отбасылық бизнес. Тігін цехін биыл нәзікжандының ұлы “Бизнестің жол картасы” бағдарламасы аясында ашқан. Іскер азамат 5 млн теңгенің грантына ие болған екен.

ЖАНАР МҰСТАФИНА, Ғ.Мүсірепов ауданының тұрғыны:
– Бұл қаражатқа өзімізге қажет құрал-жабдықтарды сатып алдық. Ресейден автоматтандырылған тігін машинасы мен кәсіби үтік алып келдік. Матаның түр-түрін Түркиядан алдырттық. Түркиялық өнім сапалы болып саналады. Наурыз айынан бері жұмыс істеп жатырмыз. 4 адам жұмыспен қамтылған. Іс барысын анам қадағалайды.

Өйткені, Жанар Мұстафинаның анасы Бибізара Ахметова 40 жылдан астам уақыт бойы тігінші болып еңбек еткен. Кезінде өз кәсібі болған екен. Яғни, тәжірибесі көп. Бір қызығы, бұл кісінің де анасы он саусағынан бал тамған шебер болған екен. Ұрпақтан ұрпаққа жалғасқан қарым-қабілет бүгінде кәсіп ретінде дамып келеді.

БИБІЗАРА АХМЕТОВА, Ғ.Мүсірепов ауданының тұрғыны:
– Анам тігінші болған. Тігіншілікке бала кезімнен жақынмын. 73 жасқа келсем де сүйікті ісіммен әлі айналысып жүрмін. Таңертен келіп қыздарға тапсырма беремін, қадағалаймын. Базарда сауда нүктеміз бар. Сонда барып сатамын.

Шеберлер негізгі дүниені белгілі бір жоспармен, арнайы үлгіге сүйене отырып тігеді. Дегенмен, тапсырыс берушілер арасында өз қалағанын білдіріп жататындар да аз емес.

Жалпы, “Бизнестің жол картасы” бағдарламасының берер мол. Оның игілігін былтыр 3 аудан тұрғыны пайдаланған. Іскер азаматтар 12 млн теңгенің грантын алыпты.
Жобалар – киімді химиялық тазалау, тротуар тақталарын жасау және киім тігу.


Самал Жунусова

Бұдан әрі оқыңыз

СҚО-да 20-тамызда егін жинау науқаны басталады
QULAN коллекциялық монеталары сатылымға шығарылды
МТРК жаңалықтары 01.08.2022
Көші-қон заңнамасының 800-ден астам бұзушылығы анықталды
Петропавлда ауызсу тарифі көтерілді
Жанға жылу сыйлаған “ASAR JOLY” қайырымдылық туры
Жол-көлік апатында зардап шеккен скутерші ауруханаға түсті
Ішімдікке салынғандарды мәжбүрлі емдеу
Өңірде есірткі сатқаны үшін 22 адам сотталған
Өтініш-арызға жауап беру сапасының рейтингі құрылады
“Жолда қабылдау” акциясы
Жұмыла көтерген жүк жеңіл