Халықаралық балаларды қорғау күніне орай облыстық көпбейінді балалар ауруханасында ашық есік күні өтті. Шара барысында тұрғындар денсаулық сақтау саласына қатысты арыз-шағымдарын, өтініштерін білдірді. Азаматтарды мекеме басшылығы қабылдады. Келушілердің қатары көп болған жоқ, қойылған сауалдар да сирек. Ашық есік күні балалар ауруханасында алғаш рет ұйымдастырылды.
Нұрлан Жақыпов, облыстық көпбейінді балалар ауруханасының директоры:
– Біз ата-аналармен кездесіп, сұрақтарына жауап беруге әрқашан дайынбыз. Алдағы уақытта ашық есік күні өз жалғасын табады. Азаматтармен 3 айда немесе 6 айда бір рет кездесуді жөн көріп отырмыз. Қордаланып қалған мәселелер қаралады. Жиын сұрақ-жауап форматында өтеді.
Алдияр Айтпаев