Жеңіс саябағында шырша көшеттері егілді. Игі акцияны Ұлы Жеңістің 77 жылдығына орай ҚР Ұлттық қауіпсіздік комитеті облыстық департаментінің қызметкерлері ұйымдастырды.
Қолдарына күрек, суқұйғыш ұстаған мамандар шаруаға білек сыбана кірісіп кетті. 1 сағаттың ішінде барлығы – 20 түп шырша егілді. Айта кетейік, мамандар осымен 2-ші жыл қатарынан Жеңіс саябағына көшет отырғызуда. Дәстүрге айналған шарапаты мол шара алдағы күндері де жалғасын таппақ. Бейінді ведомство қызметкерлері мамырдың 9-ына дейін аталған саябақта тағы 57 шыршаның көшетін егеді.
Азат Нұрсейітов, ҚР ҰҚК СҚО бойынша департаментінің қызметкері:
– Алдағы уақытта да көбірек шырша егіледі. ҚР Ұлттық қауіпсіздік комитеті облыстық департаментінің атынан соғыс ардагерлерін Ұлы Жеңіс күнімен құттықтаймыз.
Бердимурат Баймухан