Өткен тәулікте өңірде індет жұқтырудың 274 жағдайы тіркелді. 254 науқастың бойынан аурудың анық белгілері байқалса, қалғандары тәж вирусының симптомсыз түріне шалдыққан.
COVID-пен сырқаттану көрсеткіші бойынша әдеттегідей Петропавл көш бастап тұр. Дерт 24 сағатта 90 тұрғыннан анықталған. Бүгінде облыста ПТР тест жасалатын 4 зертхана жұмыс істеп тұр. Кеше аталған медициналық мекемелерде 1100-ге тарта адамнан сынама алынған. Ал, пандемия басталғалы зертханаларда 605 мыңнан астам зерттеу жүргізілген екен. Нәтижесінде 41 мыңнан астам жанның инфекцияға шалдыққаны белгілі болған.
Алдияр Айтпаев