Есіл ауданында 7 ауылдық округке жаңа әкім сайланады

МТРА жаңалықтары

23:13 14 Шілде 2021

Биылғы сайлау ерекше. Осыған дейін селолық округ әкімдерін аудандық мәслихат депутаттары тағайындайтын. Ал енді ауылдағы ағайын өз басшыларын өздері таңдамақ. Есіл ауданы бойынша әкім лауазымынан барлығы 25 кандидат ниеттеніп отыр. Үміткерлердің 8-і еліміздің саяси партиялары атынан қатысуда. Қалған 17-сі өз-өздерін лайық деп таныпты.

Қуанышбай Рахиев, Есіл аудандық сайлау комиссиясының төрағасы:

– Бесқұдық, Бұлақ, Заградовка, Корнеевка, Николаевка, Петровка, Явленка ауылдық округтері әкімдерінің 4 жылдық мерзімі аяқталады. Есіл аудандық сайлау комиссиясынің күнтізбелік жоспары бекітілді. 26-маусымнан 9-шілдеге дейін өзін-өзі ұсыну жұмысы басталады.

Өз-өздерін ұсынған кандидаттар жергілікті халықтың кемінде 1 пайызының қолдауын иеленуі тиіс. Әйтпеген жағдайда келесі кезеңге өтпейді. Бүгін кешкі 8-де үміткерлерді тіркеу аяқталды.

Қуанышбай Рахиев, Есіл аудандық сайлау комиссиясының төрағасы:

– 9 жарым мың халық сайлауға қатысады. Дайындық жұмыстары бекітілген жоспарға сай жүргізілуде. Учаскелік комиссиялар жұмыстарын бастап кетті.

Ертеңнен бастап үгіт-насихат жұмыстары жүргізіледі. Үміткерлерге тұрғындармен жүздесіп, сайлауалды бағдарламаларымен таныстыру үшін республикалық бюджеттен 220 мың теңге бөлінген. Шілденің 24-і шара тоқтатылып, “тыныштық күні” жарияланады. Ал ағымдағы айдың 25-ші жұлдызында ауылдық округтердің жаңа әкімдерінің есімі белгілі болады.

Эльмира Садвокасова

Бұдан әрі оқыңыз

Сайлау барысын 348 тәуелсіз бақылаушы қадағалайды
ЕАЭО аумағында тауар тасымалдау ережесі
Былтыр Ғ.Мүсірепов ауданының 120 тұрғыны қайтарымсыз грант алған
Сайлауға 3 күн қалды
Субсидиялау мәселесі сөз етілді
СҚО-да жыл басынан бері 50-ден астам жалған жарнама анықталған
93 жастағы қария алаяқтарға 300 мың теңге берген
Пестрое көлін жалға алушы жауапкершілікке тартылды
ҚР ҰҰ Әскери институтын 24 жылда 4 мыңға жуық курсант тәмамдаған
Әуежай қызметкерлері жарты жыл бойы жалақы алмаған
Бескөлде балық қырылып жатыр
Әкімшілік құқық бұзушылық туралы заңға түзетулер енгізілді