Өңірде аптап ыстық апта бойы сақталады

МТРА жаңалықтары

23:36 29 Маусым 2021

Дана Сәлімқызы:

-Қазір сынап бағанасы 28 градусты көрсетіп тұр. Мұндай ыстықта көбі далаға шықпауға тырысады. Ал кейбір жандар өзен-көлдердің жағасында күнге күйіп, суға шомылуда.

Қапырық ыстықта шомылып, салқындасам дейтіндердің бірі – Евгений Григорьев. Ер адам “Пестрое” көліне жанұясымен келіпті. Әйелі күнге қыздырынуда, ал өзі болса балаларымен бірге суға түсіп жатыр. “Мұндай ауа райында үйде жату мүмкін емес”,- дейді қала тұрғыны.

Евгений Григорьев – қала тұрғыны:

-Соңғы күндері біздің өңірде күн ыстық болып тұр. Мысалы, бүгінгі температура 30 градусқа жақындайды. Осындай қапырықта үйде отыра алмай, көлге келдік. Су жып-жылы. Балаларым судан шыққысы келмейді.

Көл жағасында адам көп. Барлығы ыстықтан қорғану үшін шомылуға келген.

-Осындай ыстық күндері салқын сусын ішемін. Күннің көзі өтіп кетпеуі үшін бас киім киіп жүремін.
-Қапырықта саяжайға баруға тырысамын. Ондағы үйдің іші салқын немесе көлге келіп шомыламын.

Ыстықтың көкесі әлі алда. Қазгидромент мамандарының болжамы бойынша алдағы бір-екі күнде сынап бағанасы 42 градусқа дейін көтеріледі.

Гүлзат Ғазизова – «Қазгидромет» РМК СҚОФ бөлім басшысы:

-30-шы маусым мен 2-ші шілде аралығында температуралық фон жоғарылайды деп күтілуде. Осыған байланысты дауылды ескерту хабарландырылады. Маусымның 30-ы күні күндіз өңірдің басым бөлігінде 35-38 градустық ыстық күтіледі. 1-ші және 2-ші шілдеде кей жерлерде 40-42 градус өте ыстық болады. Осы орайда өте жоғары өрт қаупі күтіледі.

Қазгидромет өкілдері де ыстықтан қорғануға кеңес береді. Әсіресе, созылмалы аурулары бар жандарға үйден жиі шықпау қажет дейді.

Дана Ешкенова

Бұдан әрі оқыңыз

Сайлауға 3 күн қалды
СҚО-да жыл басынан бері 50-ден астам жалған жарнама анықталған
СҚО-да бір күнде екі жазатайым оқиға болды
Қасым-Жомарт Тоқаев Аризона университетінің делегациясымен кездесті
Пестрое көлін жалға алушы жауапкершілікке тартылды
Ауылдық округ әкімдерінің сайлауы қалай өтеді?
2020 жылы өнеркәсіп өндірісінің жалпы индексі 105,1%-ды құрады
93 жастағы қария алаяқтарға 300 мың теңге берген
Субсидиялау мәселесі сөз етілді
ЕАЭО елдерімен сауда-саттық көлемі
Сайлауалды үгіт-насихат жұмыстары басталды
Есіл ауданында 7 ауылдық округке жаңа әкім сайланады