Жергілікті аяқ доп шеберлері де солтүстікқазақстандық спортсүйер қауымды қуантты! Сенбі күні «Qyzyljar» футбол клубы кезекті жеңісіне қол жеткізді. Бұл жолы қарағандылық “Shakhter”-ді тізе бүктірді. Сырт алаңда өткен матч 0 де 1 есебімен аяқталды. Кездесудегі жалғыз голды қорғаушы Руслан Есімов соқты. Ол ойынның соңына таман айып алаңының сыртынан шірене тартып, допты торда тулатты. Бұл жеңістен кейін петропавлдықтар турнирлік кестеде 5-ші орынға бір-ақ көтерілді. Жерлестеріміздің келесі қарсыласы – оралдық “Akzhaik”. Матч маусымның 18-і күні “Қарасай” стадионында өтеді. Басталуы – 18:00-де.
Байболат Култанов