Үйінде заңсыз қару сақтаған. Ғ.Мүсірепов ауданында 42 жастағы ер адамнан 2 бірдей мылтық пен көздеуіші бар винтовка тәркіленіп алынды. Аудан тұрғыны 5 жылға бас бостандығынан айрылуы мүмкін немесе бас бостандығы осынша уақытқа шектелуі ықтимал. Облыс аумағында мамыр айынан бері «Қару» жедел-профилактикалық іс-шарасы өткізіліп жатыр. Бүгінге дейін 5 жарым мыңнан астам қару иесі тексерілген. Оның 150-ге жуығы қаруды сақтау ережелерін бұзған. Нәтижесінде 32 бірлік қару тәркіленіп алынды.
Алдияр Айтпаев