Мұғалімдер мен директорларды жұмысқа қабылдау туралы ортақ ереже енгізіледі

МТРА жаңалықтары

20:18 27 Сәуір 2021

Мұғалімдер мен директорларды жұмысқа қабылдау туралы ортақ ереже енгізіледі. Бұл жайында Білім және ғылым вице-министрі Шолпан Каринова мәлім етті.

Шолпан Таңатқызының сөзінше, бүгінгі күні педагогтарды жұмысқа қабылдау жөнінде бірізді, ортақ ережелер дайындалып жатыр. Президент тиісті заңға қол қойған. Естеріңізде болар, осыған дейін оқытушыларды мектеп директоры немесе басқа білім мекемелерінің басшылары тек өзінің ғана шешімімен қызметке қабылдайтын. Енді алдағы уақытта мұғалімдер оқу орындарына жалпыға қойылатын талап негізінде қабылданбақ. “Талапта жұмысқа орналасу бойынша нақты критерийлер, яғни үміткерлердің кәсібилігін анықтайтын критерийлер мен жүйені автоматтандыру бойынша жұмыстар жүргізіліп жатыр”,- дейді вице-министр. Білім және ғылым министрлігінің аппарат жиналысында Шолпан Каринова мектеп директорларын тағайындауға байланысты мәселеге де тоқталды.

Шолпан Каринова – ҚР білім және ғылым вице-министрі:


– Өздеріңізге белгілі мектеп директоры болу үшін нақты ұлттық біліктілік тестілеуінен өткізу қарастырылған. Ол жүйе де мұғалімдердің аттестациясын жүргізу сияқты автоматтандырылған. Осы тестілеуден өткен директорлар ғана тағайындаудың келесі қадамдарына жіберіледі. Оның шекті балы көрсетілген. Директорлардың алған балдары қолжетімді базада сақталып келеді. Заңға енгізілген өзгерістерге байланысты мектеп директорларының, басқа білім мекемелерінің басшыларын ротациялау ережелері жасалып жатыр. Сонымен қатар, ережеге мектеп директорларына кадрлық резервті тағайындау жұмыстары енгізілді.

 

 

Бұдан әрі оқыңыз

СҚО-дағы пошта бөлімдері толығымен автоматтандырылады
Сүйікті ісін кәсіпке айналдырған жан
Қасиетті Рамазан айы 13-ші сәуірде бастау алады
Өңірде “Ashyq” қосымшасы пилоттық режимде іске қосылды
Көшбасшы партияға қарасты қоғамдық кеңестер құрылды
Халықаралық байқаудың жүлдегерлері марапатталды
Биылдан бастап 500 қазақстандық ғалым шетелде тағылымдамадан өтеді
СҚО тағы да «сары» аймақта
БЖЗҚ-дан шекті соманы мыңнан аса солтүстікқазақстандық шешіп алды
Петропавлда кезекті бос жұмыс орындар жәрмеңкесі өткізілді
Жыл басынан карантин талабы қанша мәрте бұзылды
Интернет-алаяқтар бағдарламашы маманды сан соқтырып кетті