СҚО-да жыл басынан бері 200-ден астам интернет-алаяқтық фактісі тіркелген

Құқық қорғау органдары

20:46 26 Наурыз 2021

YouTube Embed: No video/playlist ID has been supplied

Облыста интернет арқылы жасалатын алаяқтық азаймай тұр. Жыл басынан бері 200-ден астам фактІ тіркелген. Жуырда 10-нан астам солтүстікқазақстандықты сан соқтырып кеткен алматылық жігіт ұсталды. 31 жастағы пысықай  әлеуметтік желіде жалған парақша құрып, адамдарға  жоқ тауардың құнын төлетіп жүрген.

Ақшаны алып ап, байланысқа шықпай қойған. Жақында жергілікті тәртіп сақшыларына интернет-алаяқтардың құрығына іліккен бірқатар тұрғыннан арыз келіп түскен. Барлығы онлайн-дүкенге қатысты. Бір пысықай “Инстаграм”-да жалған парақша құрып, әйелдерге арналған киім-кешектің суретін салып, жоқ дүниені қымбат бағамен қойса керек.

Жангелді Әпенов – Петропавл қаласы ПБ криминалдық полиция бөлімінің аға жедел уәкілі:

– Көп жағдайда әйелдер алданып қалған. Instagram әлеуметтік желісіндегі «Modnyi Store» парақшасынан киімге тапсырыс беріп, алдын ала төлемді аударған. Жіберілген сома әр түрлі: 10 мыңнан 300 мың теңгеге дейін. Қаржы шотқа түскеннен кейін қаскөй байланысқа шығуды қойған.

Бұл факті ҚР Қылмыстық кодексінің 190-бабы 2-бөлігі бойынша Сотқа дейінгі тергеп-тексерудің бірыңғай тізіліміне енгізілді. Ұсталған жігіт – Алматы қаласының 31 жастағы тұрғыны. Теміртау қаласында құрықталған. Алаяқ қазір қамауда отыр. Оның өзге де қылмыстарға қатысының бар-жоғы анықталуда.

– Куда получали предоплату?

– На Qiwi-кошелек.

– После получения предоплаты какие ваши действия были?

– Думал верну, так и не получилось.

– Дальше, что? И вы заблокировали их?

– Ага… А писали вы как им, в WhatsApp, или в Instagram?

– Да, в direct.

13 солтүстікқазақстандықты сан соқтырып кеткен алаяқ 3 жылдан 7 жылға дейін бас бостандығынан немесе жеке мүлкінен айырылуы мүмкін.

Жанна Бисенова

 

Бұдан әрі оқыңыз

СҚО-да жыл басынан бері 50-ден астам жалған жарнама анықталған
СҚО-да интернет-алаяқтық тыйылмай тұр
Петропавлда 5 жасөспірімнің ата-анасына әкімшілік хаттама толтырылды
Тәртіп сақшылары адам саудасының алдын алу мақсатында акция өткізді
Іздеуде жүрген борышкерлер Ресейден табылды
Экстремистік мазмұндағы материал таратқан петропавлдыққа айыппұл салынды
СҚО-да 4 күнде 24 мас жүргізуші ұсталды
Ауыл тұрғынының жоғалған бір отар қойын тәртіп сақшылары тауып берді
Петропавлда пәтер ұрлығы тыйылмай тұр
Алаяқтарға алданып 2 млн теңгенің несиесін рәсімдеп қойған
Петропавлда көлік ұрлау фактісі тіркелді
Пара алған қалалық әкімдік қызметкері жауапкершілікке тартылды