Кеше петропавлдық «Qyzyljar» мен украиналық «Рух Львов» командаларының арасында жолдастық матч өтті.
Ойын бастала салысымен солтүстікқазақстандық жігіттер басымдық танытты. Олар кездесудің 10-шы минутында есеп ашып үлгерді. Айта кетейік, бүгінде «Qyzyljar» басшылығы Түркиядағы оқу-жаттығу жиында бірнеше жаңа ойыншыны қаралымнан өткізуде. Голды да ұжымға жаңадан қосылған аяқ доп шеберлерінің бірі соқты. Өкінішке қарай, әзірге көзге түскен спортшының аты-жөні белгісіз. Араға 30 минут салып қарсыластар есепті теңестірді. Осылайша алғашқы тайм 1 де 1 есебімен аяқталды. Ал келесі кезеңде украиналықтардың жолы болды. Олар жерлестеріміздің қақпасына жауапсыз 2 гол соқты. Нәтижесінде «Qyzyljar» 3 те 1 есебімен ұтылды.
Бердимурат Баймухан