Лицензиясыз өнім! Жақында полицейлер Мамлют ауданындағы дүкендердің бірінен тиісті құжаттары жоқ 120 литр алкогольді ішімдік тәркіледі.
Сауда нүктесінің иесі ҚР Әкімшілік құқық бұзушылық кодексінің 463-бабы бойынша жауапқа тартылды. Дәл осы бап бойынша Мамлютка қаласының 59 жастағы өзге тұрғынына да қатысты материал жинақталды. Ер адам ащу суды үйінде сатып келген. Пысықайдың баспанасынан 8 бөтелке арақ табылды. Жалпы, өткен жылы облыс аумағында ішімдікті лицензиясыз сатудың 185 фактісі тіркелген. Тәркіленген өнімнің көлемі 1200 литрден асады.
Ешкенова Дана