Ғ.Мүсірепов аудандық мәслихатына депутаттықтан үміткерлер тұрғындармен кездесуде

МТРА жаңалықтары

15:31 14 Желтоксан 2020

Елді мекен жолдарын қалыпқа келтіріп, әр үйді таза ауыз сумен қамтып, қажетті әлеуметтік маңызы бар нысандарды тұрғызу. Қысқасы – халықтың әл-ауқатын жақсарту. Бұл міндеттер еліміздің көшбасшы партиясының сайлауалды бағдарламасында қарастырылған. Алдағы 5 жылда атқарылатын шаруа жоспарымен Ғ.Мүсірепов аудандық мәслихатына үміткерлер қазір ауылдағы ағайынды таныстыруда. Алғашқылардың бірі болып кандидаттар Раисовка селосынына аттанды. Нұротандықтар 2025-ке дейін біржақты ету көзделген басымдықтарға тоқталды. Оның бірі – денсаулық сақтау саласын дамыту.

Берік Сапанов – Ғ.Мүсірепов аудандық мәслихаты депутаттығына «Nur Otan» партиясы атынан үміткер:

– Көптен бері күрделі жұмыс істелінбеген ФАП-тарда. Биыл 3 фап пен орталық ауруханада күрделі жөндеу өткізілді.

Сайлауалды бағдарламада ауқымды істерді жалғастыру жоспарланып отыр. Осылайша тек облыс және аудан орталықтарындағы емес, сондай-ақ, шалғай орналасқан елді мекендердегі медицина қызметтеріне қолжетімділік артпақ. Үміткерлердің көтерген тағы бір өзекті мәселесі – ауылдағы ағайынның шаһарларға ағылуына қатысты. Проблема әсіресе, СҚ-да өткір тұр. Тіпті іргелі село болып табылатын Раисовкаға соңғы жылдары келетін жастардан, кететіндері көп екен.

Қамбар Қажығалиев – Ғ.Мүсірепов аудандық мәслихаты депутаттығына «Nur Otan» партиясы атынан үміткер:

– Жас мамандар мен отбасыларды ауылды жерге тарту үшін кешенді жұмыс жасау қажет. Яғни, білім мен көрсетілетін медициналық қызмет сапасын арттыру керек. Сондай-ақ, – азаматтарды екі қолға бір күрекпен қамтып, баспаналы болуларына жәрдемдесу де негізгі міндет. Соңғысын біржақты ету мақсатында Раисовка селосының аграрийлері жылма-жыл жаңа үйлер тұрғызуда. Әрдайым өзекті болатын тағы бір мәселе – жол, су мен ұялы байланыс пен интернет.

Халықтың тұрмыс деңгейін көтеру үшін нұротандықтар барын салмақ. Қаңтардың 10-ы елімізде Парламент мәжілісі мен әр түрлі деңгейдегі мәслихаттарға сайлау өтеді. Ғ.Мүсірепов ауданынан науқанға азаматтық позициясы белсенді 28 адам қатыспақ. Олардың төртеуі облыстық деңгейде тұрғындардың мұңын мұңдап, жоғын жоқтайтын халық қалаулысы болуға ниетті.

 

 

Эльмира Садвокасова

 

Бұдан әрі оқыңыз

Кеңес әскерлерінің Ауған жерінен шығарылғандарына – 32 жыл
Депутаттар Қаржы министрлігінен шағын бизнесті қолдауды сұрайды
Ауыр атлетші Айдар Қазов сыйға тартылған баспанадан айрылып қалды
Экс-мемлекеттік қызметшіге жаза тағайындалды
Орталық базарлардың бірінде «Сапа белгісі» атты фронт-кеңсе ашылды
Энергетикалық қадағалау саласының мамандары өткен жылды қорытындылады
Бүгін СҚО толығымен цифрлық телехабар таратуға көшті
Қазақстанда 2021 жылы халық санағы өтеді
Жаңа ереже
Қозыбаев университетінің студенттеріне польшалық маман шеберлік сағатын өткізді
Жабайы жануарлардың қысқы тіршілігі
Ботаникалық бақтағы мандарин ағашы жеміс берді