Жеңіс тұғырынан көрінді. Өткен аптада Алматы қаласында еркін күрестен ел чемпионатының ақтық кезеңі өткен болатын.
Сайысқа қазақстанның түкпір-түкпірінен 300-ге жуық балуан қатысқан. Белділердің арасында әлем чемпионатының күміс жүлдегері Нұрқожа Қайпанов та 74 келі салмақ дәрежесінде бақ сынады. Жерлесіміз финалды қызылордалық Қанат Мұсабековке қарсы өткізді. Солтүстікқазақстандық спортшы күнгейлік балуаннан 4:0 есебімен басым түсті. Осылайша қарсыласын ұпай айырмашылығымен ұтып, алтын медаль еншіледі.
Аян Бейсембаев – Нұрқожа Қайпановтың бапкері:
– Солтүстік Қазақстан облысынан 8 балуан өнер көрсетті. Соның ішінде 70 келіде қола медаль мен 74 келі салмақта алтын медальді қанжығамызға байладық. Өзіміз осылай жоспарлаған болатынбыз. Үмітіміз ақталды.
Эльмира Садвокасова