Өңірдің бас полицейі ведомстволық госпитальдағы дәрігерлердің жұмысымен танысты.
Алдымен облыстық ПД бастығы Марат Төлебаев емдеу мекемесінің терапиялық бөлімшесіне бас сұқты. Онда қызметкерлермен тілдесіп, дәрі-дәрмек пен жеке қорғаныс құралдары қорының жеткілікті екеніне көз жеткізді. Госпитальда 4 оттегі концентраторы, 8 байланыссыз термометр мен пульсоксиметр бар екен. Мұндағы мамандар үнемі дезинфекциялау шараларын жүргізіп, науқастардың да, өздерінің де дене қызуын тексеріп отырады. Жалпы, өңірде пандемия белең алғалы бері жеке құрамға 3 мыңға жуық ПТР тестілеу жасалған.
Эльмира Садвокасова