Петропавлдық жігіттер кәсіби бокста жеңіске жетті

Спорт

23:16 2 Қараша 2020

Петропавлдық жігіттер кәсіби бокста жеңіске жетті. Евгений Павлов пен Мұрат Тұрманбетов шаршы алаңдағы кездесулерін Атырау мен Алматы қалаларында өткізген болатын. Евгений – танзиялық, ал Мұрат оралдық қарсыласының мысын басып, өңір намысын абыроймен қорғап қайтты.

Демалыс күндері спортсүйер солтүстікқазақстандықтар үшін қобалжулы өтті. Себебі, сенбі мен жексенбіде қос жерлесіміз шаршы алаңда өңір намысын қорғады. Қазанның 31-і күні Евгений Павлов Атырау қаласында 2-ші рет жекпе-жегін өткізді. Ол танзиялық Гудлак МрЕмамен кездесіп, қарсыласын 2-ші раундтың 45-ші секундында нокаутқа жіберді.

Ал кеше Мұрат Тұрманбетов кәсіпқой рингтегі 2-ші кездесуін өткізді. 20 жастағы спортшы 63 келі салмақ дәрежесінде қолғап түйістірген. Қарсыласы – оралдық Жандыр Сұлтанғалиев. Жекпе-жек 4 раундтан тұрды. Бастапқыда оралдық жігіттің осал тұстарын байқап көрген Мұрат соңғы раундта бар күшін жинады. Осылайша 40:36 есебімен жеңіске жетті.

Мұрат Тұрманбетов – кәсіпқой боксшы:

– Осы жекпе-жекке 2 ай бойы дайындалдым. Екінші рет шығып тұрмын. Бірнішісі кездесуден соң дайындықты күшейттім. Жеңіске жеттім.

Мұрат Тұрманбетовтың кезекті жекпе-жегі алдағы қаңтар айында ұйымдастырылады. Қарсыласының нақты кім екені әзірге белгісіз.

Маржан Қасымбек

Бұдан әрі оқыңыз

Велошабандоз Алексей Луценко күміспен күптелді
Жергілікті полицейлер жаһандық жарыста жүлде еншіледі
Жанкүйер болайық
Петропавлда стритболдан турнир өтті
Солтүстікқазақстандық велошабандоз топ жарды
Суда жүзушілер өңір қоржынын 14 медальмен майлады
«Qyzyljar» мен “Aktobe” тең тарқасты
Петропавлда велоспорттан ел біріншілігі бастау алды
Құлагерліктерді беларустық маман баптамақ
Алексей Луценко халықаралық веложарыстың 4-ші кезеңінде топ жарды
Мемлекеттік қызметшілер арасында волейболдан турнир өтті
Теріскейлік гір көтерушілер ел біріншілігінде сәтті өнер көрсетті