Зират ішін ойрандап кеткендер қолға түсті. Оқиға өткен аптада Айыртау ауданында орын алды.
Жергілікті тұрғындар қабір үстіндегі сәулеттердің қирап жатқанын байқайды. Бәзбіреулер аталған орынның қоршауын бұзып, 10-нан аса құлпытасты сындырып тастапты. Тіпті, біреуінің үстіне акрил бояуын жаққан екен. Іздестіру шараларының нәтижесінде 3 жасөспірім қолға түседі. Ол 10 мен 12 жас аралығындағы балалар екен. Сотқарлар жасаған істерін толық мойындап отыр. Қазіргі күні аталған факті бойынша сотқа дейінгі тергеу басталды.
Бердимурат Баймухан