Түнгі уақытта мотоцикл жүргізушілері тыныштықты бұзып, мазаны қашырады. Петропавлдықтар полиция қызметкерлеріне осындай шағыммен жиі жүгінетін болған.
Сондықтан тәртіп сақшылары облыс орталығында рейд шарасын күшейтіпті. Нәтижесінде екі күннің ішінде ереже бұзған 5 бірдей қос дөңгелекті көлік иесіне айыппұл салынған. Сондай-ақ, мамандар мотоцикл, автокөлік жүргізушілерімен профилактикалық әңгіме жүргізіп, негізгі қағидаларды еске салды. Мұндай бастама алдағы уақытта тұрақты түрде қолға алынбақ.
Санат Еменалин — қалалық ПБ патрульдік полиция батальонының инспекторы:
– Бүгін Петропавлда түнгі уақытта тыныштықты бұзу бойынша рейдтік іс-шаралар өткізілді. Назарбаев және Сүтішев көшелерінің қиылысында 20 жасар тұрғы басқарған ВАЗ-2112 автомашинасы тоқтатылды, оған қатысты әкімшілік хаттама толтырылды.
Ешкенова Дана