Полицейлер тиісті құжаттары жоқ Мамлютка қаласы тұрғынының үйінен алкогольдік ішімдіктің бақандай 200 литрін тапты.
Баспана толы арақ, шарап, коньяк, сыра мен шампанды “коммерсант” тәуліктің кез-келген уақытында саудалап отырған. Оның үстіне пысықайдың қолында тентек суды өткізуге рұқсат беретін лицензия болмай шықты. Кәсіпкерсымақ жедел-алдын алу шарасының барысында анықталды. Ішімдіктің бәрі тәркіленді, ал азаматқа қатысты материал жиналып, сотқа жіберілді. Жалпы, небәрі 5 күн ішінде тәртіп сақшылары облыс бойынша 270 литрден астам алкогольді заңсыз айналымнан шығарған. Және 16 солтүстікқазақстандықты жауапкершілікке тартқан.
Саят Ермек