Соңғы уақытта өңірде дала өрттері жиілеп кетті. Осындай тағы бір жағдай Қызылжар ауданында тіркелді.
Оқиға Белое селосының маңында болған. Жақын жердегі құрғақ шөп жанып, желдің әсерімен күшейіп кеткен. 5 гектар алқапты шарпып, орманға қарай бет алған отты мамандар уақытында ауыздықтады. Өртті сөндіруге 15 құтқарушы мен 2 техника және жергілікті орман шаруашылығы мекемесінің қызметкерлері жұмылдырылды. Абырой болғанда тілсіз жаудан ешкім зардап шекен жоқ. Өрттің шығу себебі анықталып жатыр.
Актолкын Солтанханкызы