Қиындықтарға қарамай ауқымды шаруа атқарылады! Кеше облыс әкімі Құмар Ақсақалов өзінің instagram парақшасында биыл өңіріміздегі 100 бірдей білім беру нысаны күрделі жөндеу көретіндігін жариялады. Аймақ басшысының хабарлауынша 2020-ның басында мектеп, балабақша мен колледждерді қалыпқа келтіруге мемлекеттен 3 млрд. теңге қарастырылыпты. Бірақ кейін бағытталатын сомма ұлғайған. Қазір былтырғыдай 5 миллиардты құрап отыр. Мұның нәтижесінде соңғы 2 жылда 230 оқу ошағында немесе өлкедегі әрбір 2-ші мектепте тиісті жұмыс тындырылады. Құмар Ақсақалов әрленіп, шатыры, есік-терезелері, жылу және кәріз жүйелері мен су құбырлары ауыстырылатын нысандардың тізімін де жасады. Онда аудан, мекеме атауы және игерілетін ақша көлемі көрсетілген.
Култанов Байболат