“Бірінші Жастар ойындары” жобасының іріктеу кезеңі басталды

Спорт

21:06 20 Қыркүйек 2019

Бүгін Петропавлда “Бірінші Жастар ойындары” республикалық жобасының іріктеу кезеңі басталды. Спорттық доданың ашылу салтанаты қаламыздағы №40-шы орта мектепте өтті.

Онда өңіріміздің түкпір-түкпірінен келген командалар көпшілікке таныстырылды. Жалпы, салауатты өмір салтын насихаттайтын бәсеке үш күнге созылмақ. Сайыста орта және жоғары сынып оқушылары бақ сынайды. Қатысушылардың саны 500-ден асады. Жастар облыс орталығында спорттың 5 түрінен мықтыны анықтамақ. Мәселен, бүгін волейболдан үздік атанған ұжым белгілі болды. Ол – М.Жұмабаев ауданының ұл-қыздары. Ақтық сында команда Қожаберген жырау атындағы №6 орта мектеп шәкірттерін жеңді.

Камилла Балтабаева – М.Жұмабаев ауданы құрамасының капитаны:

– Жарыс жоғары деңгейде өтті. Әр құрама мықты. Сол себепті, ойын оңай болды деп айта алмаймын. Бірақ, тырысып бақтық. Осылайша жеңіске жеттік.

Дана Ешкенова

Бұдан әрі оқыңыз

Өңірде спорт нысандары жөнделуде
Спортшылар жаттығуды далада өткізуде