“Құлагер” хоккейшілері ел біріншілігінде сәтсіз өнер көрсетіп жатса, жерлес велошабандоз Алексей Луценко, керісінше жетістіктерімен қуантуда. Өткен жылғы Азияда чемпионы “Оман туры” велокөпкүндігінде топ жарды.
Бәйгенің 5-ші туры ең қиыны саналады. Себебі, велошабандоздар таулы аймақ арқылы 152 шақырымды еңсерулері тиіс. Алексей Луценко берілген қашықтықты 3 сағат 44 минут 3 секундта бағындырып, қарсыластарын шаң қаптырды. Ал көпкүндіктің соңғы 6-шы турында жерлес спортшы жеңіске жете алмады. Мәре сызығын ол небәрі 35-ші болып кесті. Бұған қарамастан, өткен жарыстардағы жоғары нәтижелерінің арқасында Алексей Луценко бұл маусымдағы алғашқы алтын жүлдесіне қол жеткізді.
Култанов Байболат