Қаңтар мен ақпан айларында өңір бойынша түрлі деңгейдегі әкімдер өткен жылды қорытындылап, халық алдында есеп берді. Бүгінге дейін барлығы 622 кездесу өтіп, оған 46 мың жерлесіміз қатысқан. Теріскейліктер тарапынан 2 мыға жуық сауал мен ұсыныс түсіпті.
Ал бейсенбі, ақпанның 21-і маңызды науқанды өңір жетекшісі Құмар Ақсақалов қорытындылайды. Оқушылар сарайында облыс әкімі халық алдында есеп береді. Шара сағат 15:00-ге жоспарланған. Солтүстікқазақстандықтар аймақ басшысына 8 (7152) 35-02-04 телефон нөмірі арқылы сұрақтарын қоя алады. Тағы, толғандырған сауалдарды облыс әкімінің ресми сайтына да жолдауға болады. Кездесу барысында арнайы Call-centеr жұмыс істейді. Теріскейліктердің 8(7152) 35-00-07 нөмірі бойынша қоңырау шалып, шағымдар мен өтініш-тілектерін жеткізу мүмкіндіктері бар. Сондай-ақ, есептік кездесуді тұрғындар Муниципалдық телеарна және “Qyzyljar” арнасының тікелей эфирінен, тағы sko.gov.kz сілтемесі бойынша Солтүстік Қазақстан облысының ресми интернет-ресурсынан көре алады.
Саят Ермек