Демалыс күндері еліміздің бірнеше қаласында хоккей матчтары өтті. Жергілікті “Құлагер” командасы Павлодарға барып, “Ертіс” құрамасымен ойнады.
Алғашқы кездесуде айдын иелерінің мысы басым болды. Олар жерлестерімізді 3-те 1 есебімен тізе бүктірді. Ал келесі бәсекеде теріскейліктердің айы оңынан туды. Ол ойында солтүстікқазақстандықтар керекуліктерді 7 де 1 есебімен ойсырата ұтты. Қазіргі таңда “Құлагер” турнирлік кестеде 60 ұпаймен 6-орында тұр. Енді, теріскейліктер келесі ойынды рудныйлық “Горняк”-қа қарсы қаңтардың 16-сы және 17-сі күндері сырт алаңда өткізеді.
Байболат Бектемірұлы