Өңір хоккей клубы рудныйлық құраманы қапыда қалдырды

Спорт

9:50 22 Қазан 2018

Жергілікті “Құлагер” командасы өз жанкүйерлерін кезекті жеңісімен қуантты. Қазанның 18-інде хоккейшілер сырт алаңда рудныйлық “Горнякпен” кездескен болатын.

Ойынның бірінші периодында қос құраманың имек таяқ шеберлері бірін-бірі барлаумен болды. Келесі 20 минуттықта айдын иелері теріскейліктерді қапыда қалдырып, көптен күткен шайбаны соқты. Бұған қарымта ретінде құлагерлік шабуылшы Евгений Попитич 3-ші таймның соңында таблодағы есепті теңестірді. Ал қосымша минутта құрама капитаны Ильгиз Нуриев тағы бір шайба кіргізіп, ұпай санын еселей түсті. Өстіп, теріскейлік құрама 36 ұпаймен турнирлік кестеде 2-ші орынға тұрақтады. Әзірге көшті көкшетаулық “Арлан” хоккей клубы бастап тұр.

Бахыт Садвокасов

Бұдан әрі оқыңыз

Биыл Петропавлда 15 спорттық алаң пайда болады
Спорт сарайында жөндеу жұмыстары қарқын алды
Футболдан ел чемпионатының басталу уақыты кейінге шегерілді
Былғары қолғап шебері Евгений Павлов жеңіске жетті