Петропавлда республикалық ата-аналар конференциясы өтті

Білім

10:07 16 Қазан 2018

21 ғасырдағы ата-ана қандай болу керек? Бұл мәселе Петропавлдағы №17 ұлттық өркендеу орта мектеп-кешенінде өткен республикалық ата-аналар конференциясында талқыланды.

Жасөспірімдік шақ – баланың дамуындағы күрделі, әрі маңызды кезең. Көптеген ата-аналар осы сәтте бірқатар проблемалармен кездесіп жатады. Олардың әрқайсысы ұл-қыздарының болашағына алаңдайды. Бұл ретте Елордадан келген Отбасылық тәрбиелеу институтының өкілдері ата-аналарға бала тәрбиесіне байланысты кеңес беріп, оларды алаңдататын сұрақтарға жауап берді.

Ирина Шэ – Отбасылық тәрбиелеу институтының кураторы:

– Бүгін – конференцияның соңғы күні. Осыған дейін М.Жұмабаев ауданында жиналыс өтті. Оған 2-ші, 3-ші және 4-ші сынып оқушыларының ата-аналары қатысты. Ал қазір өтіп жатқан жиынға 8-ші және 9-шы сыныптағы балалардың ата-аналары келді. Оларға жасөспірімдік шақта балаларымен қалай сөйлесу керектігі туралы, отбасындағы түсіністік жайлы айтылды.

Елордалық мамандармен қатар, конференцияда мектеп психологы да ата-аналармен әңгіме жүргізді. Ол балалардың мінез-құлқы, ата-ана мен бала арасындағы қарым-қатынас және отбасылық құндылықтарға тоқталып өтті.

Наталья Крылова – №17 ұлттық өркендеу орта мектеп-кешенінің психологы:

– Жасөспірімдік шақта балалардың басым бөлігінің ата-аналарымен қарым-қатынасы қиындайды. Түсініспеушіліктер орын алып жатады. Бұндай жағдайды болдырмау үшін мен балалармен әңгіме жүргіземін. Осы мектепте 16 жыл жұмыс істегендіктен, олар маған толығымен сенеді.

Ата-аналар өз кезегінде мұндай шараларды қолдап отыр.

Тұрсын Молдахметова – ата-ана:

– Қазір заман талабына байланысты балалардың жақсы тәрбиеленуі ата-аналарға байланысты. Біз жұмысымыздың тығыздығынан көп нәрсе ұмытылып кетеді. Ал мынадай шаралар біз үшін өте қажет деп ойлаймын.

Сондай-ақ, жиын барысында ата-аналар арнайы сауалнамаға жауап берді. Оның мақсаты – ата-ана мен бала арасындағы қарым-қатынастың қандай деңгейде екенін білу. Жалпы, мұндай ауқымды ата-аналар жиналысы өңірімізде 5-ші мәрте өткізіліп отыр. Оған облыс бойынша мектеп жасындағы балалары бар 15 мыңға жуық жерлесіміз қатысқан.

 

 

 

Молдир Макишева

 

Бұдан әрі оқыңыз

Бірінші тоқсанда оқушылар қалай оқиды
Мемлекеттік қызметке орналасушы үміткерлер үшін “қазтесттің” жаңа жүйесі жасалды
“Өрлеу” орталығы вебинарлар легін өткізуде
Бірінші сыныпқа құжаттарды қабылдау мерзімі ұзартылды
Биыл мектептерде алғашқы қоңырау сыңғырламайды
Қызылжар ауданындағы 34 мектепке бейнекамералар орнатылады
Жаңа оқу жылындағы жаңашылдықтар
Жас Өркендегі жаңа мектептің құрылысы аяқталуда