Тәртіп сақшылары жол қозғалысын бақылаудың жаңа жүйесін сынап жатыр. Осы орайда, бірнеше күн бойы Петропавл көшелерінде арнайы бейнебақылау кешені жұмыс істеуде. Шаһар бойынша мұндай 7 құрылғы орнатылған.
Портативті жүйе көлік қозғалыстарының жылдамдығын бақылайды. Бұған қоса, құқықбұзушыларды бірден автомобиль нөмірінің көмегімен дерекқордан іздеп табады екен. Осылайша, кешен іске қосылған күні-ақ жылдамдықты асырудың 50 фактісі тіркелген. Дегенмен, жоба қанатқақты болғандықтан, әзірге жылдамды шамадан тыс асырған жүргізушілерге айыппұл салынбайды.
Нұрбек Баекин – СҚО ІІД баспасөз қызметінің бас маманы:
– Кешен ешбір сымсыз, электр қуатынсыз іске қосылады. Бұл құрылғыларды 10 минут ішінде орнатуға болады.
Эльмира Садвокасова