Қасықтап жинаған абыройы, айрандай төгілді! Солтүстік Қазақстан облысы Мамлют ауданының әкімі Жастілек Сыздықов пара алып жатқан жерінде ұсталды. Мемлекеттік қызметшінің былығын “ҚР-сы Сыбайлас жемқорлыққа қарсы іс-қимыл ұлттық бюросының” Солтүстік Қазақстан облысы бойынша департаментінің қызметкерлері әшкерелеген.
Парақорлық фактісінің орын алғандығы жөнінде республикалық ведомствоның баспасөз-қызметі мәлімдеді. Белгілі болғандай, аудан әкімі жергілікті серіктестік директорының мүддесін қорғау үшін, одан 185 мың ресей рублін сұраған. Теңгеге шаққанда бұл 1 млн теңгеның шамасында. 40 жастағы мемлекеттік қызметші кінәсін толығымен мойындағандықтан, қамауға алынған жоқ. Еңбек жолын 97-ші жылы қарапайым есепшіден бастаған айыпталушы әр жылдары Ақжар аудандық салық комитетінде түрлі лауазымдарда қызмет еткен. Ал Мамлют ауданының әкімі болып үстіміздегі жылдың қаңтарынан жұмыс істеп келді.
Бахыт Садвокасов