Жаңа кітаптың тұсаукесері өтті

Мәдениет

13:25 27 Маусым 2018

Әшім Жылқайдаров – Шал ақын ауданы Ақсу ауылының тумасы. Қазіргі таңда азамат Астана қаласында тұрып жатыр. Ол кіндік қаны тамған жерінен шалғайда жүрсе де, осы елді мекеннің 90 жылдығына орай кітап жазуды жөн көрген. Оның еңбегінде ауылдың тарихы, Есенгелді ұрпақтары және кейінгі буын өкілдері жайлы айтылады. Туынды “Есенгелді шежіресі”, “Жаңа кеңшар – жаңа серпін”, “Біте қайнасқан жұрт”, “Ел аузында” бөлімдерінен тұрады. Жерлесіміз аталмыш жинағын жарыққа шығару үшін 3 жыл көлемінде еңбектенген екен.

Әшім Жылқайдаров – “Есенгелді – елім, Ақсу – ауылым” кітабының авторы”:

– Кітапқа керекті мәліметтерді жинау үшін Сергеев қаласының, сондай-ақ, СҚО-ның архивіне жүгініндім. Сондай-ақ, ауылдағы ақсақалдардан сұрастырдым.

Шал ақын ауданындағы іргесі сөгілмеген Ақсу ауылы 1928 жылы маусымның 30-ында 3 ауылдың бірігуі негізінде құрылған екен. Қазіргі таңда аталмыш елді-мекенде 48 отбасы ғана қалған. Олардың басым бөлігі Есенгелдінің ұрпағы.

Әшім Жылқайдаров – “Есенгелді – елім, Ақсу – ауылым” кітабының авторы:

– Есенгелді атамыз Атығайдың Құдайберді деген ұлының 6 баласының бірі. Оның ұрпақтары 18 ғасырдың соңы мен 19 ғасырдың басында Ақсу ауылына көше бастаған.

Жинақ 170 дана тиражбен басылып шыққан екен. Олардың бірқатары С.Мұқанов атындағы кітапханаға табысталды.

Молдир Макишева

Бұдан әрі оқыңыз

Домбыра – асыл мұра
“Бұлбұлдар түні” қойылымы сахналанды
26 жастағы солтүстікқазақстандық қысқа метражды фильм түсірді
“Қасиетті Қазақстан” жинағының 4-ші тобы жарық көрмек
Облыстық қуаршақ театрында жөндеу жұмыстары жүргізілуде
Әлем таныған Абай
әл-Фарабидің тағылымына арналған онлайн жиын өтті
“Ел жүрегі-Нұрсұлтан” атты фотокөрме қанат жайды
Қуыршақ театрының 30-шы маусымы аяқталды
Облыстық кітапханада Ұлттық Домбыра күніне орай іс-шара өтті
“Тарт домбыра” облыстық байқауы өтуде