Ең алдымын ортаға 4 пен 6 жас аралығындағы жеткіншектер шығып, өнерлерін ортаға салды.
Дәл қазір кішкентай бүлдіршіндер көркем гимнастиканың оңай жаттығуларын орындауда. Солардың бірі – 6 жастағы Адель Амир. Ол осы спорт түрімен былтырдан бері шұғылданып жүр.
Адель Амир – жарысқа қатысушы:
– Маған гимнастика ұнайды. Соның ішінде, мостик жасаған. Мен жеңіске жетемін.
Иілгіштік, нәзіктік, кербездік, жүріс-тұрыстың ырғақтылығы және әртістік қабілет. Міне, осы критерийлерге кез-келген көркем гимнастшы сай болуы керек – дейді спортшыларды бағалайтын қазылар.
Анастасия Норкина – жарыстың бас төрешісі:
– Бүгінгі жарыста облыстық, республикалық және халықаралық жарыстарда жүлделі орындарға қол жеткізген спортшыларымыз да бақтарын сынап жатыр. Сондықтан, талап жоғары. Айту кетсек, қазіргі таңда шаһарымызда көркем гимнастикамен 500-ге жуық қыз бала айналысады.
Жалпы, 2 күнге жалғасатын дүбірлі додада 200-ден астам гимнаст қыз бақ таластырады. Жарыс қорытындысы бойынша жеңіске жеткендеріне грамота, медаль және сыйлықтар табысталмақ.
Тогжан Акмагамбетова