“ЛОРД” мектеп-лицейі оқу үздіктерін марапаттады

Білім

14:19 24 Мамыр 2018

Лорд дарынды балалар үшін мамандырылған мектеп-лицейінің алдында қызу қарбалас. Ағылған жұртты сән-салтанаты келіскен білім ұясының алдынан директор мен ұстаздар қарсы алуда.
Білім ошағының мақтанышына айналған оқушылардың бірі – Ангелина Кардашова. 9-сыныпты тәмамдайтын ол биыл «биология» пәнінен Мәскеу мемлекеттік университетінде өткен халықаралық олимпиадаға қатысып, жеңімпаз атанды.

Ангелина Кардашова – Лорд дарынды балалар үшін мамандырылған мектеп-лицейінің 9-сынып оқушысы:

– Менің биология пәніне деген қызушылығым 8 сыныптан бастау алды. Осылайша, ақпан айында “Ломоносов” оқушылар олимпиадасына қатыстым. Сынақ екі кезеңнен тұрды. Іріктеуден электронды түрде өттім. Оған 1 мыңдай оқушы қатысып, тек 300-і 2 кезеңге жолдама алды.

Бұл мектеп жыл сайын «Алтын белгі», «Үздік атестатқа» лайықты шәкірттер мен түрлі байқау-олимпиада жеңімпаздарын қанат қақтырады. Биылғы оқу жылында білім ордасының қоржынында 31 олипиадалық жүлде бар. Солардың 25-і облыстық, 2-уі халықаралық дәрежедегі жеңістер.

Наталья Маторина – Ғылым және инновациялар жөніндегі директорының орынбасары:

– Республикалық деңгейдегі марапаттардың ішінде орыс тілі және әдебитеттен қос үшінші орын, тағы физика және астрономиядан алған күміс жүлде бар. Сондай-ақ, біздің оқушылар ғылыми жобалар байқауына белсене қатысады.

Іс- шарада оқуы үздік мектеп оқушылары, сонымен қатар, қоғамдық өмірге белсене қатысқан жас өрендер алғыс хаттармен марапатталды.

Алдағы оқу жылына Лорд мектебінің басшылығы аудан оқушыларының арасынан 60 өренді қабылдауды жоспарлап отыр.

Бұдан әрі оқыңыз

Жергілікті жастар кәсіби шеберлік сайысынан үш жүлдемен оралды
Техникалық маман иелерінің үздігі анықталды
Химия-биология бағытындағы НЗМ аккредитациядан өтті
Оқытушылар мен студенттердің бәсекесі
Инклюзияны қолдау кабинетінің жұмысы
“Отбасы құндылықтары” атты семинар-тренинг өтті
Университет қабырғасында ғылыми-тәжірибелік конференция өтті
Химия-биология пәні мұғалімдерінің І халықаралық форумы өтті
49 студент шетелде өткен өндірістік тәжірибеден оралды
Ғылыми жобалар байқауының облыстық кезеңі өтті