Түн ортасында орын алған өрт оқиғасын куәгерлер видеоға түсіріп алған. Кейін, оны әлеуметтік желіге жүктеген. Бейнеде қызыл жалын ЗИКСТО зауыты маңындағы қамыс басқан аумаққа жайылғаны көрініп тұр. Анықталғандай, тілсіз жау 4 гектар жерге зардабын тигізіпті. Мамандар отты түнгі 1-лердің шамасында ауыздықтады. Абырой болғанда, төтенше жағдай салдарынан жарақат алған тұрғындар жоқ. Өйткені, үйлер мен қоймаларға залал тимеді. Қазіргі таңда өрттің шығу себебі анықталып жатыр.
Байболат Култанов