Жобалық кеңсе сондай-ақ, букроссинг, 100 жаңа есім және латын әліпбиін үйренуге арналған курстарды да қамтиды. Бастысы – аталған шараларға кез-келген қалалық мектеп оқушысы ат салыса алады.
Күлімкөз Қайырбайқызы – Қалалық білім бөлімінің жанындағы “Рухани жаңғыру” жобалық кеңсесінің жетекшісі:
– Барлық мектептермен бірігіп, елбасы жүктеген бағдарламаны іске асырмақпыз.
Шара барысында қалың көпшіліктің назарына “Өлкетану” және “Отаным-тағдырым” сынды жобалар ұсынылды. Соңғысын қаламыздағы 4 білім ошағының оқушылары дайындапты. Жасөспірімдердің сөзінше, бұл жастарға Елбасы жүктеген міндеттерді орындауға септеседі.
Дайана Кабашева – М. Жұмабаев атындағы гуманитарлық колледж жанындағы мектеп-лицей оқушысы:
– Жоба 2018 жылдан бері жүзеге асады. Басты мақсаты – жастарды патриоттық сезімге тәрбиелеу.
Бағдарламаны жүйелі түрде іске асырып, іс-шараларды ұйымдастыру үшін жобалық кеңсе мүшелері әр апта сайын жиын өткізбек.
Эльмира Садвокасова