Шаһардағы қоғамдық көліктер бақылаудан өткізілуде

МТРА жаңалықтары

15:07 2 Қараша 2017

Тәртіп сақшылары жүргізушінің құжаттарын тексеруде. Олар жол-сапар парағын, сақтандыру полисін міндетті түрде қарайды. Көліктің техникалық байқаудан өту жайлы куәлігіне назар аударады. Ал осы сәтте қалалық әкімдіктің тұрғын үй-коммуналдық шаруашылығы бөлімінің маманы санитарлық талаптардың сақталуын бақылап шықты. Ол автобус ішіндегі алғашқы ереже бұзу фактісін де анықтады.

Бұдан бөлек, мамандар жүргізушілердің қызметтік киіммен жүрулерін де қарайды. Арнайы форманы тек 9-шы және 27 нөмірлі автобусты тізгіндеген жандар киеді екен. Қалғандары ортақ тәртіпке мойын сұнбайтын көрінеді. Мұндай талапты ескермегендерге 3 мәрте ескерту жасалады. Кейін, жағдайды түземесе арнайы шара қолданылады.

Азат Бейсембин – Петропавл қалалық ТҮКШ бөлімінің бас маманы:


–  Мұндай рейдтерді жолаушылар тасымалын жақсарту мен қауіпсіздікті күшейту үшін өткізіп отырмыз. Жыл басынан бері осындай 8 шара ұйымдастырылды. Нәтижесінде 100-ден аса тәртіп бұзу фактісін анықтадық. Уақыттан кешіккен, техникалық, санитарлық талаптарды сақтамаған үшін 7-ші және 19-шы нөмірлі автобустар бағыттан алынып тасталды. Ал, қоғамдық көліктің әйнегі жарық, терезеге тонировка тағу сынды құқық бұзушылық орын алса жүргізушіге құқық қорғаушылар 5 айлық есептік көрсеткіш көлемінде айыппұл салынады.

Айта кетейік, бүгінгі таңда Петровлда жолаушылар тасымалымен айналысатын 4 серіктестікпен 6 жеке кәсіпкерлік жұмыс істейді. Оларда 350-ге жуық қоғамдық көлік бар. Мамандар барлық автобустарды бақылаудан өткізбек.

–  Петропавлда қоғамдық көліктерді тексеру шарасы қараша айының 10-шы жұлдызына дейін жалғаспақ. Осы уақытқа дейін мамандар қаламыздың шеткері кенттеріне қатынайтын автобустарды бақылайды.

Байболат Бектемірұлы

Бұдан әрі оқыңыз

Өңірден Сенат депутаттығына тағы бір кандидат тіркелді
Өңірде заңсыз аң аулау фактісі тіркелді
COVID-19 құрбандарын дәрігерлер де үнсіздікпен еске алды
Биыл 400-ден астам мемлекеттік қызметші оқытудан өткен
13 шілде – Ұлттық аза тұту күні
Шаһарда дезинфекциялау шаралары жалғасуда
Жемқорлыққа қарсы департамент басшысы азаматтардың сұрағына жауап береді
Солтүстікқазақстандықтар Елбасыға үндеу жолдады
Шал ақын ауданының әкімі ауысты
Жүк тиелген көліктер тексерілді
Көпбалалы отбасыларға берілетін жәрдемақы мөлшері өсті
Кәсіпкерлер палатасы жанындағы өңірлік кеңеске мүшелерді сайлау басталды