Облыс орталығына Ресей Федерациясының Қорған облысынан делегация келді

МТРА жаңалықтары

14:24 15 Қыркүйек 2017

Владимир Уфимцев Петропавл қаласымен жақсы таныс. Бұған себеп шекаралас екі аймақ орнатқан тығыз әріптестік қарым-қатынас дейді ол. Теріскейге ат басын бұрудағы мақсат – жергілікті тұрғындарды қорғандықтардың шығармашылығымен жіті таныстыру.

Владимир Уфимцев, Зауралье халықтарының ассамблеясы кеңесінің төрағасы, Қорған қаласы, РФ:

– Біз Қорған облысындағы түркі және славян халықтарының өмірі жайлы айтпақпыз. Бізбен бірге Ресейдің халық суретшісі Герман Травников та келді. Қылқалам шебері Қазақстанның пейзаждарын көп бейнелеген. Арнайы альбомы да бар.

Облыстық Қазақстан халқы ассамблеясы өкілдері көршілес елден келген қонақтарды алдағы уақытта Қазақстанды күтіп тұрған жаңашылдықтармен де таныстырды. Солардың бірі – қазақ әліпбиінің латын графикасына көшуі.

Гүлбақша Мұсабаева, “Urpaq” қазақ мәдени-ағартушылық орталығының төрайымы:


– Латын графикасы – әлемдегі көне ғаріптердің бірі. Бұл таңбалардың негізінде ағылшын, француз, неміс тілдері жатыр. Сондықтан, жаһандану жағдайында дамыған ірі мемлекеттердің қатарына кіру үшін қазақ жазбасын латын графикасына ауыстыру орынды деп санаймын.

Қорғандықтар бұл бастаманы қолдауда. Делегация мүшелерінің айтуынша, уақыт талабынан туындап отырған бұл қадам Қазақстан алдында жаңа мүмкіндіктер ашады. Кейін меймандар облыс орталығының көрікті жерлерін аралап, қала музейлеріне, достық үйіне және М. Қозыбаев атындағы СҚМУ-ға бас сұқты.

Саят Ермек

Бұдан әрі оқыңыз

«FlyArystan» әуекомпаниясы жыл соңында жаңа рейс ашуы мүмкін
Қаладағы пандустар қаншалықты талапқа сай?
“Диалог” бағдарламасы 25.01.20
Өңірге іссапармен еңбек және әлеуметтік қорғау вице-министрі келді
Ғ.Мүсірепов ауданы әкімінің есебі
Статистиктер 2019 жылды қорытындылады
Митингілер туралы жаңа заң: жерлестердің пікірі қандай
Қызылжар ауданының әкімі есеп берді
“iKomekтің” көмегіне 3 мыңға жуық адам жүгінген
Өңір басшысы Құмар Ақсақалов азаматтарды қабылдады
Пікір жазам деп басы дауға қалды
29 жастағы тәртіп сақшысы өзіне-өзі қол жұмсады