Осындай қадам жемқорлық тәуекелдерін азайтуға септігін тигізбек. Екіншіден, азаматтар қажетті құжаттарын қысқа мерзімде ала алады. Айталық, қалалық сәулет және қала құрылысы бөліміндегілер тұрғындардың өтінішін былтырғыдай 7 жұмыс күні емес, 5 күн ішінде қарап береді. Аталмыш бөлім азаматтарға мемлекеттік қызметтің 6 түрін ұсынады. 4-еуін электрондық форматта алуға болады.
Далабай Қабдуалиев – Петропавл қаласының сәулет және қала құрылысы бөлімінің сектор меңгерушісі:
– Аталмыш бөлім азаматтарға мемлекеттік қызметтің 6 түрін ұсынады. 4-еуін электрондық форматта алуға болады.
Жыл басынан аталған бөлімге 2 мың петропавлдық жүгінген. Дені мекен жай анықтамасын сұратыпты. Ал, мемлекеттiк сәулет-құрылыс бақылау және лицензиялау басқармасында тұрғын үй салуға қатысты рұқсат қағаздарын береді.
Фархад Шамилёв – СҚО мемлекеттiк сәулет-құрылыс бақылау және лицензиялау басқармасы бөлім жетекшісінің міндетін атқарушы:
– Ведомство құрылыс-монтаждау, жобалау жұмыстарына лицензия береді. Үлескерлерден қаражат тартып, баспана тұрғызатын мердігер компаниялар да басқармадан рұқсат қағаздарын алады. Сондай-ақ, сарапшыларды аттестациядан өткіземіз.
Жарты жылдың ішінде 200-ге жуық солтүстікқазақстандық сарапшы куәлігін алуға ниет танытқан. Соның тең жартысы сынақты ойдағыдай тапсыра алмаған.
Берік Қасен