“Құлагер” ХК екі дүркін ел кубогының жеңімпазы атанды

Спорт

14:19 28 Тамыз 2017

Матчтың басында петропавлдық ұжым қарсылас қақпаға бірдей екі шайба дарытты. Бірақ басымдықты ұстап қала алмады. Атыраулық хоккейшілер ойынның негізгі уақытында таразы басын теңестіре алды. Ал 5 минуттық овертаймда теріскейліктердің мысы басым болды. Біздің команданың үшінші шайбасын Сергей Копылец салып, петропавлдықтарға жеңіс сыйлады. Қорытынды есеп 3:2, “Құлагер” хоккей клубының пайдасына шешілді. Осы ретті шайбалы хоккейден ел біріншілігі қыркүйектің 9-ы күні өтетінін айта кеткен жөн. Жерлес команда өзінің алғашқы кездесуін үйде, яғни Спорт сарайында рудныйлық “Горняк”-қа қарсы өткізеді. Кездесу сағат 17-00-де басталады.

Риат Шони